話說上星期同佢去Ikea食晚飯，必食嘅肉丸實在太太太好味喇! 走嘅時候就買咗兩包肉丸汁，今星期黎番個自家製肉丸 + 肉丸汁意粉!
之前都整過蕃茄肉丸意粉，整咗成2粒鐘先有得食，今次就熟手好多! 其實整肉丸好簡單，只係煎洋蔥跟手撈落肉度再起膠就得架喇! 不過大蚊牌肉丸就好natural，型狀比較"自然" (即係唔統一!)，都算係風格啊!
包ikea粉我煮嘅時候先攞出黎睇吓個煮法....又蝦碌喇-佢話要用cream煮呀!!! 我突然間邊到變盒cream出黎呀???結果博一鋪，老點白老鼠先生落街買盒鮮奶返黎頂檔! 因為驚唔夠creamy，自把自為加咗牛油同芝士一齊煮........希望效果可以接受啦!!
嗰包粉進一步摧毀我嘅信心，落咗個煲先發覺佢起晒粒，要逐粒撈起"顏"碎佢.....好似都仲係好痴纏......點算?? (我已經喺"精美食譜"部份加入"過篩"呢個step，大家要小心!)
結果係.........味道出乎意料之正!!! 好cream呀! 唔落cream都做到呢個效果，感覺冇咁肥! (唔好呃自己喇.....又牛油又芝士，唔肥就假!) 食落都似ikea個汁架!
至於肉丸，我覺得好好味! 佢唔係最好味嘅肉丸，但就係我最鍾意嘅味道! 我諗大家會明白我講咩，每人都有自己風格，而風格就係因應個人喜好而慢慢培遇育出來! 不過.........佢唔多喜歡個肉丸，因為佢覺得d洋蔥味好難頂!
我有d失落，自己認為煮得超好味，而其實人地感覺唔到.......好冇共鳴呀......
精美食譜:-
食譜來自: 大蚊
大蚊：唔係喎，我睇到流口水添，依到d Ikea都有這個肉丸嫁，你好叻喎！有時過來大家交流吓好嗎？BTW，你點整d相和recipe嫁，好pro，good job！
回覆刪除[版主回覆11/05/2007 11:30:00]我好鍾意食肉丸同埋漢堡扒~~~~我之前都整過漢堡包~你有冇睇到呀?? 謝謝讚賞!! d 相框同食譜都係自己晝架! 用嘅係最簡單嘅software - powerpoint!!! 我都係喺d素材網搵d圖案落黎，再自己排版同埋design咁囉!
煮俾我食la .睇吓我同你有冇共鳴?
回覆刪除[版主回覆11/05/2007 11:33:00]食唔食洋蔥先???
我幫你食啦~~
回覆刪除[版主回覆11/05/2007 11:32:00]好呀好呀! 好creamy，滯滯地呢~~~
乜我老細同你白鼠一鬼樣啫!!! 又係唔 like 洋蔥, 落足心機煮埋俾佢都 "亞之亞 jon", 有時真係好鬼 down 耶!
回覆刪除[版主回覆11/05/2007 11:32:00]係囉~真係煩! 不過有時要互相遷就囉!有時煮d你鍾意嘅嘢食，咁下次我就會煮吓我d favourite!
原來ikea有肉丸醬賣ga~ 我成日都想試d肉丸, 但比我揀我都系想食爆谷多d, 平到死ma~!!
回覆刪除[版主回覆11/05/2007 18:41:00]我仲有一包粉喺屋企~下次記得就影張相俾你睇!
肉丸呢就75蚊100粒~我見好似好多咁所以冇買~~(其實係自己手痕想整~~哈哈哈~~)
等我又買個汁試下先得!!! 真係幾吸引咁
回覆刪除[版主回覆11/07/2007 13:40:00]幾好玩~懶d嘅可以買埋肉丸~
我都有買呀, 我有1次整左蕃茄醬茄子肉丸, 都好好食呀
回覆刪除何太 http://kennymelody.mysinablog.com/
[版主回覆11/13/2007 21:45:00]睇咗喇! 好有創意呀!