大蚊好想擁有一部焗爐，但係屋企唔夠位擺，只可以放一部多士焗爐~
多士焗爐都幾好用架!除咗焗多士，仲可以焗薯角、雞翼、菜都得!
今次新攪作係曲奇!!!
其實我唔知得唔得架! 但真係好想試吓，咪搵咗個最簡單嘅譜試吓囉! 材料屋企有晒，係買包麵粉ok架喇! (整凍餅嘅人屋企係冇麵粉架!)
新手曲奇開始!
過程簡單，將所有材料攪勻就係架喇! 我將佢個shape整到好靚呀!希望成功啦!
一共整咗10粒，放入個爐啱啱夠位!
過咗一陣，有大陣麥香味走出黎!心諗都應該得! 見佢開始有焦，就返轉佢再焗多陣! 一共焗咗15分鐘，同原譜時間一樣，咁係咪即係表示我個爐嘅火力都夠猛呀??!
出爐嘅時候我都未肯定得唔得，因為唔脆呀! 要攤一攤先變番脆~~~想問吓各位曲奇高手呢~你地用"正途"焗嘅曲奇會唔會係咁架???
我覺得個樣好似麥樂雞~~好搞笑!
食得喇! 超美味呀!!!好香麥味!味道好似熱嘅消化餅咁! 媽媽同細佬都話好味~我地一晚清晒d曲奇呀!
係甜咗少少，所以我喺個譜將糖減到30g，另外我冇用cream，(冇理由為咗1湯匙cream而去開一盒cream嘛??)，反而用咗豆奶~都幾好味啊!
真係好興奮，我夜晚發夢都係喺度整曲奇呀!!
精美食譜:-
食譜來自: 為食貓
見到都好食喇~!!我都想學整cookie~ 想食下熱的cookie呀~~ 一定好好食~! 等我都研究一下先~!!
回覆刪除[版主回覆11/07/2007 13:45:00]好易整呀~最緊要有焗爐~~~
新解出爐真係好正!
因為細爐發熱線和焗盤比較近.所以係會易燶D . (呢度要留意)
回覆刪除同埋曲奇一出爐的確仲係軟身少少.要攤一陣先脆的
[版主回覆11/07/2007 15:30:00]明白明白!!希望可以整多d香脆曲奇!
都唔錯喎!!
回覆刪除多士焙爐都得喎!!!
[版主回覆11/07/2007 15:23:00]我勁興奮呀~好似發現咗新大陸一樣!
我第 1 次焗果 d 曲奇要牙仔健全先食得落呀))))
回覆刪除[版主回覆11/07/2007 18:18:00]哈哈~~~唔舍係咩味呢???
一般都係要出爐後放涼先會脆架~要涼晒先好入盒呀~
回覆刪除[版主回覆11/08/2007 18:35:00]唔需要入盒~因為好快已經食晒!
我今晚西餅班又整左曲奇呀~
回覆刪除[版主回覆11/08/2007 22:19:00]等我過黎八吓先!
未過機呀XD
回覆刪除尋日D包都未過:P
[版主回覆11/08/2007 22:45:00]唔緊要~我睇咗你個食譜推介~十個正呀!!!
點解你咁犀利架, 日日都有新鮮出爐嘅美食架!?
回覆刪除[版主回覆11/13/2007 09:32:00]為咗學好烹飪，我迫自己日日都要有功課交 ! 仲要盡量日日都唔同款 !
唔迫吓自己唔會進步架 ! ( 係咪好變態 !!) 我嘅煮齡大概係 7 個月，仲有好多嘢要學呢 ~
日日 post ，咁你地咪日日上黎教我囉 !
hi, 最近留意到你個BLOG, 好正呀, 我都無焗爐, 但好想整COOKIES!
回覆刪除我想問你個食譜無奶呢個材料, 但你話你落左呀?
可以講一下呀, 謝^^
[版主回覆02/25/2008 21:03:00]對不起...可能我有點痴呆....忘掉了為何有"奶"這part!
不過我次後又整過一次，都係冇奶架! 你不妨睇睇!
朱古力粒麥皮曲奇
希望幫到你!
我想問唔落呢個雲呢拿香油得唔得?
回覆刪除[版主回覆08/27/2008 21:13:00]可以! 雲呢拿香油都係等佢香d芝嘛~冇問題架!!!