中華冷麵

 

一向好鍾意食冷麵，去到d拉麵鋪，一見到有冷麵就必會order!


名惜，次次都食得唔多愉快。同佢一齊食，佢order嗰d叉燒拉麵就火速上枱，冷麵就遲遲冇影! 我個人又冇乜耐性，催足幾次，好想發脾氣! 通常呢佢食晒個拉麵呢d冷麵先上枱，好冇癮!
可能整冷麵嘅工序需時啦! 但我覺得delay 嘅最大原因係冇乜人order冷麵，所以落咗單都冇人理!
火都黎! 決定自己整! 上網搵晒個煮法 (原來要用冰水過冷河!)，材料隨意架喇! 都係火腿蟹柳青瓜雞蛋嗰d咁...... 個醬係李錦記嘅，個麵我本來喺十蚊店買咗包，不過後尾見有明星麵又買埋......
 

好易整，又夠凍，幾好味。不過買唔到日本鼓油，個麵有d乾，搵普通鼓油頂住先都ok!
李錦記個醬好香麻醬味，不過質感太"潔"，望落好唔開胃 (請自行想像!)， 下次溝少少水會好d......
總結，冷麵成功取代炒烏冬，成為必吃的一個人的午餐 / 晚餐!!!