印度薄餅 + 咖喱雞

等咗2個星期，又可以入廚房練習吓!
今次挑戰異國風情 -- 印度薄餅 + 咖喱雞!!!
比較瑣碎，要買好多材料，例如薯仔、紅蘿蔔、各式調味炒咁。整嘅過程亦都歷時個半鐘!
煮緊咖喱同時整埋個薄餅。發粉麵粉搞到一天一地，好得人驚！跟足份量做，到用手搓麵糰發覺太濕！
想再落粉都有難度！因為雙手已經黏滿粉糰！好似細個玩泥膠感！勁核突！
煎餅又燶o左o的！好狼狽！個廚房超混亂，即時變o左地獄!
咖哩雞賣相 ok ，配料顏色鮮艷，味道都得! 不過唔知係咪隻咖哩粉嘅問題，個汁嘅顏色 似葡國雞多d!

辣列跳舞嘅咖哩雞，十分惹味! d雞醃得好入味，個薄餅質感鬆軟! 開頭擔心太厚會唔會好"粉"，好在都冇事!
飽餐一頓，走番入變咗地獄嘅廚房洗碗。所有嘢都變晒黃色 -- 碗、碟底、爐頭、毛巾! 花了九牛二虎之力都洗唔乾淨!
一餐食晒d薄餅，咖哩就食唔晒，夜晚煮d飯食埋佢，正!