橙香乳酪慕斯蛋糕

 

Chloe 生日快樂!
幾搞嘢嘅蛋糕，材料主要係橙同乳酪(廢話!) ，喺呢個潮濕天氣享用一定好正!

擺埋橙肉落去，口感豐富d!
喺屋企劃試依時覺得味道唔夠甜，好在不致於酸……
不過同事評語話幾清新~~可能雪吓會好d?

餅底本來諗住用清蛋糕，貪方便買咗隻 ”軟蛋糕” 試吓，又出事!
一倒mousse 料入去，片蛋糕就浮上黎!想轉消化餅底，買咗但唔知擺咗响邊~
最後用馬利餅，第一次用，唔知得唔得~

 

裝飾又係朱古力，你地可能睇到悶，但老實講，我確實仲需要大量機會練習朱古力裝飾技巧!  每次都盡量諗d唔同樣嘅朱古力架喇! 最後我都係整到一大“pat” 嘢咁! 傷心……

拎到返公司雪咗一日，個蛋糕走晒樣! 朱古力塌晒，又出水......賣相同最頂張相差好遠......希望壽星女唔好介意......