冬瓜炆火腩

 

 

 

又蝦碌啦! 其實我唔知火腩係乜...個譜係話要火腩半斤...張相又click 唔到入去...我唯一肯定就係豬腩而唔係牛囉(!!)

去到肉檔，個哥哥聽到我話要火腩就啤咗一聲，佢話應該去燒臘檔買架!

我諗住會唔會係我表達得唔好呢??佢唔明我意思，咁我咪之後走去另一檔買咗半斤腩肉!

返到去就知唔對路............因為個譜冇講點醃，同埋嗰舊豬腩肉真係唔多似樣!
結果又落街去燒臘檔買番舊啱嘅火腩!

個檔主都覺得好奇怪，問我用黎做乜，我諗好少人會話要買"火腩"啩?
應該係"燒肉"至啱!!!

半斤多d, 30 蚊呀, 比相像中貴! (後尾問同事，先知道應該俾人搵笨...街市燒臘檔冇可能咁貴!!

)

貴貴"火腩":-

唔難整, 只係要多d 時間等冬瓜變淋同埋吸收d 肉質, 其實都係一個幾好玩嘅送菜黎架!

冬瓜唔夠多, 好快被搶購一空! 下次起碼要斤半先夠!

精美食譜, 呢個係4 人份量黎架!

食譜來自: 呢度