鼓起勇氣，整蝦!
第一步搵食譜， 好多都好難整，又要用d我冇嘅醬料!
最簡單就係蒜蓉蒸蝦!
自己又擺埋粉絲，一定好好味!
買咗急凍蝦，挑腸挑到傻，最擔心係挑唔晒d腸(真係好長)!
又唔識開邊，究竟係開外彎定內彎? 好疑惑!
效果好好呀! 幾好味架! 賣相亦都好!
要俾個pass 自己呀!
材料:中蝦一斤、蒜頭、牛油
蒜蓉製法:
1.蒜頭磨蓉，用一小角牛油加少許生油慢火爆香。 2.盛起待涼後加半茶匙鹽,拌勻放入冰箱冷凍一小時備用。
做法:
1. 粉絲浸軟墊底。
2.中蝦買回來先用冰水浸20分鐘，從背部至尾剪開蝦殼,再介一刀開蝴蝶邊(不要介斷否則變成開兩邊)取走蝦腸，清洗乾淨抹乾水份。
3.把開邊蝦打開用菜刀輕壓一下，使蝦身固定扇子形狀。
4.每隻蝦均勻地放上蒜蓉，,把蝦排放在碟上，,水滾下蒸鍋隔水蒸3分鐘。
5.淋下滾油及少許生抽即成.。
食譜來自呢度 & Yahoo 知識
蝦嘅去腥秘訣:
- 可以一茶匙沙糖加入一杯水中，灑在蝦只上，足夠2、300克蝦去腥。
- 鮮蝦用冰水浸泡,肉質會較爽口。
秘訣來自呢度 & Yahoo 知識
蝦！可是海鮮中的至愛，還要是香口無比的 蒜蓉蒸，美味 ！
回覆刪除Sing : 蝦嘅可塑性就高d，炒乜醬都好味~整蝦餅又得~炒蝦仁亦得! 但我更鍾意食 蟹 ! 薑蔥炒蟹 超正呀! 不過我個level未識整蟹呢~~~~~
回覆刪除正呀.. 啖啖肉呀.. 好香..要多多蒜蓉
回覆刪除傑他他老伯 : 預埋你嗰份喇! 加多雙筷啫!!! 落咁多蒜蓉，食完要刷牙!!!哈哈~~~
回覆刪除我見人地d開邊蝦通常都係背脊果邊開ka~ 我都好憎剔蝦腸, 所以無整蝦食.
回覆刪除Stweetcat : 我都覺得係外彎呀! 但d腸呢 外彎同內彎都有! 介完隻蝦都差唔多爛晒喇... 但係人地炒蝦 (例如茄汁蝦) 係連殼炒架喎! 咁即係我地照食d蝦腸??
回覆刪除我媽媽節都整左 蒜茸開邊蝦 呀~不過用原隻連殼中蝦~劏蝦真係好恐怖呀~=口= 下次可以試下去街市買d剝左殼既蝦, 好食過急凍好多架~又方便~我上次都係買呢d整 洋蔥蝦仁炒蛋 ~
回覆刪除蠍 : 我真係要勤d去街市走動吓...淨行超市成日食埋d急凍嘢呢~~~~~~~~~~~~~~ 街市真係好似一個寶藏，有好多好豐富嘅資源，街市萬歲!!!
回覆刪除好攪笑 什麼都來自"呢度"....."呢度"一定係愛整野食的人的好地方
回覆刪除碧碧 : 係呀! 因為有時唔知個網站叫乜名，就用"呢度"來代替! 如果係yahoo blog 友嘅食譜，就會有個名嘅~~~ post 埋條link係想同大家分享吓我搜集返黎嘅食譜呢!
回覆刪除我見有d人係將d蝦連殼開邊挑腸ka~ 我响酒樓&茶餐廳食蝦人地會以為我傻傻地, 因為我會攞隻熟蝦挑完用茶洗乾淨先食.
回覆刪除Stweetcat : 咁你咪食得好慢 ? 我諗大 d 嘅蝦都有得搞嘅 ~ 細隻就好難去腸喇 ! 連殼開邊 咁複雜 ??? 做乜唔索性去埋殼 ??? 靚 d? 網友蠍教我去街市買蝦， 10 蚊兜剝埋殼 好方便，我諗我唔會再買 雪藏蝦 架喇 ~~~~
回覆刪除依...似乎唔難整， 等我又試下先 多謝食譜了，哈哈
回覆刪除
回覆刪除車厘豬 : 最難都係蝦腸嗰 part ，煮嘅過程一 d 都唔難 ! 記住買大隻 d 蝦，祝成功 !
係~ 挑腸先辛苦… 其他步驟都好易！我又要食呀~
回覆刪除Cherie .果子 : 所以下次要去街市買 剝埋殼嗰d，咁就快靚正喇! 見你咁好人教我 挑腸，就請埋你食啦!
回覆刪除你下次試下 , 唔好買 ~ 無穀 蝦連殼開 " 背 邊 " 挑腸 , 按壓蝦身 , 橫落刀 連 腸都取出 .
回覆刪除街市有剝左殼既蝦賣? 真係唔知啵~ @_@ 可能我太少去…多數係超市買餸就算 =0= YEAH~ 我有得食。。。
回覆刪除Cherie .果子 : 可能大d嘅街市先有! 而家行吓街市，發覺好多嘢賣，仲要平好多! 唔識呢問吓d檔主，都ok架! 街市係我嘅新遊樂場，哈哈~~~
回覆刪除