飯煲雞飯

 

好嘢! 又有得煮飯!
個名好搞笑，其實即係用飯煲去煲雞飯!

唔識買雞， 連雞脾都唔識拆骨，見有雞搥即刻掃咗
2盒!
呢個飯最大優點係易整，易買料，又平!
製作過程簡單，不過都幾好玩。 醃好d雞然後放晒落飯煲度，撈吓撈吓咁!

我俾佢望吓個飯煲 (平時煮飯唔俾佢睇架!)，佢即刻話個樣好靚呀!
可能飯煲火力唔算猛，按了四次制先熟，幾驚整唔到呀!

佢話好好味呀! 十分感動! 仲問我點解d雞搥擺到好似
大腿舞咁 (!!!)?
評語: 雞油滲透飯粒，好香呀!

少少 effort ，但 result 好好，正!

 

食譜:

1. 雞半隻切件洗淨, 用糖, 鹽, 豆粉, 生抽, 老抽, 胡椒粉及薑絲醃味

2. 洗米後加水, 用電飯煲煮到輕微水滾, 將雞放入, 煮到跳制, 然後再按制1次便成

 

備註 :

1. 記得落水要留意, 因雞有汁, 要減少水份.

2. 還有現在通常用西施煲, 始終無以前的飯煲咁夠火力, 若煮得太多而飯煲較細,

    要留意下最後夠唔夠熟.

何家私房菜 (何太)