100!!! (大家幫幫手!請按此投票!)
第100 篇喇! 好開心!
地獄廚神之路，真係幾難行，短短三個多月，喺大蚊艱辛經營之下，都叫做整到100款美食出黎見吓大家!
而家睇番d相, 真係好有滿足感呢!
成立此blog目的, 係記錄自己成為地獄廚神嘅成魔之路，想同大家作交流，研究吓d菜式、整餅技巧呀咁!
慢慢變成了一種習慣，每日都要有d update，要同大家傾下偈先安樂!
迫自己要每日post一篇上黎，唔好偷懶!咁廚藝先會有進步架!
而3個月來只係有一日電腦故障冇post嘢，都算係小小嘅成就!!!
在此多謝每一位留言，指教過我、每日上黎瀏覽嘅朋友!希望多d人睇到我整嘅精美食譜，一齊煮吓送咁啦!
本黎今日諗住好似平時咁，照post嘢食就算，不過咁開心決定搞d新意思!
就黎一個投票吧!
我post晒過往嘅作品出黎，分為3組，咁大家隨意每組投番1款你認為大蚊整得最好嘅作品出黎啦!
又或者就咁俾d意見都得! 菜式名唔寫啦，如果你有成日睇我個blog，一定會對某幾個菜有特別印象嘅!
特別呼籲平時潛水嘅朋友都留番個言，等我認識下你地咁!
投票sample:
A組: XX意粉
B組: XX蛋糕
C組: XX糖水
or其他評語!
如果真係唔記得個菜名，咁你寫番"上面數落黎第x行左邊第x張相"都得架!!!
A組:-家常便飯
B組:-大蚊整餅
C組:-甜蜜蜜
謝謝大家合作，參與咗呢個冇獎嘅投票! 為咗答謝大家，大蚊會繼續努力整多D好味嘅嘢食架喇!!!
沒有留言:
張貼留言