粟米肉碎湯飯

話說早前白老鼠懷疑食咗我整嘅雪榚導致腸胃炎，近日大蚊終於得到報應了......

星期四晚十點先返到屋企食晚飯，一食個胃好痛~痛咗一晚....星期五就轉化成為胃抽筋!!!

 

個病情係咁嘅:  當我同你講緊嘢，突然我會面容曲十幾秒(抽緊筋>.<)，之後又會冇事，繼續同你講嘢! 我自己都覺得幾搞笑! 病發時間可以一個鐘幾次至幾個鐘一次都得......
好慘...放假先黎病...
星期五全日冇時間睇醫生，半夜12點丟返到荃灣，去間24小時診所, 諗住唔會太多人....點知...一等就1個鐘...呆晒...好辛苦咁成2點幾先有得訓...

星期六要煮飯...整乜俾我同白老鼠呢2位腸胃病人呢?? 一於煲粥啦!! 之前抄低 bluebluegirl嘅食譜可以派上用場喇!
味道好好~冇介紹錯喎! 主要係粟米湯好好味~落埋薑片好醒胃!
跟足blubluegirl嘅指示，用飯煲黎煲，真係好方便喎! 不過我太肚餓，煲嘅時間唔夠，只算係湯飯吧??!
精美食譜~~

食譜改篇自: bluebluegirl