係白朱mousse黎架! 味道幾好, 個網紋係咪幾得意呢?
點解整呢個網紋呢? 係因為個蛋榚失敗咗...
繼
奇異mousse奇異事件之後,呢個蛋榚都難逃蝦碌命運...魚膠粉出事呀!
製作過程中個mousse 都好滑溜，但係搞搞下佢出晒粒粒!杰得好緊要!
個面好唔平滑, 應該係魚膠粉落得太多...?睇吓:-
要補鑊，要搵d裝飾遮住個面!
慶幸嘅係黑朱嘅條紋部分做得唔錯,都算幾整齊,冇進一步摧毀個餅!
用咗脆脆底，好鍾意個質感!
要成日keep住整蛋糕先唔會生疏呀! 同埋而家好認真咁考慮係咪要轉買魚膠片!
整蛋糕第一次準備精美食譜:-
食譜改篇自
貓網
ok 喎! 食左未呀? 口感 ok 冇? 咁會唔會太硬呢?
回覆刪除hi~妳好.... 路過妳的blog，見妳整的白朱古力慕斯凍餅，很吸引我 希望多多指教 我想知口感同唔同黑朱古力慕斯凍餅一樣呢 因我未食過白朱古力慕斯....所以不知味道如何 又會不會甜d呢 比較多問題問....希望唔好介意
回覆刪除bluebluegirl : 其實未食架! 今晚先食呢~不過我整嗰時有試味....希望個質感會ok啦! cream : 歡迎你呀! 唔好話指教，大家一齊研究吓啦! 本身我對白朱感覺一般，覺得太甜，反而喜歡黑朱苦苦的味道~ 或者整白朱時可以減甜???等我食埋再話你知!!
回覆刪除嘩...唔好意思, 你100篇網誌時, 我無為意留言板, 結果錯過左, 不過有心唔怕遲MA!!! 好靚既, 都唔係好失敗姐, 補救得唔錯. 好味道~~ 你媽媽一定好開心姐!! 祝你媽媽生日快樂!!
回覆刪除香甜的白朱古力mousse啊!加上脆脆餅底很有趣呢!
回覆刪除
回覆刪除荔枝 : 你冇miss 到啊! 照樣可以留言投票架!!我都未得閒點票呢~~ 媽媽應該幾開心啦!!!! 謝謝你~~~ 為食 mui : 我最鍾意用脆脆架! 方便又好味~消化餅要整碎佢都幾煩!
好像不錯，會不會很「漏」呢 ？
回覆刪除有時整凍餅d 魚膠真係好鬼麻煩ga .唔夠又軟...多又起粒一舊舊喎 (我個蛋糕d圍邊係超市買的餅餅,類似黑白配 那些啦)
回覆刪除歷奇 : 食咗喇! 又冇平時淨食白朱咁漏喎! 幾好味! 小豬碧碧 : 即係魚膠片都有魚膠片嘅煩惱??
回覆刪除comments copy from 貓論區:- 睇完喇 , 如果我係你呢 , 溶白朱古力時我就加埋鮮奶 , 座熱佢 , 等佢仲暖暖地時就倒 d 魚膠水落去 , 搞勻后再撈 cream, 而 d cream 我就唔會打起到 8 成 , 我諗 6-7 成就 ok, 撈之前就先拎佢出黎攤一攤先 .... 我諗問題係出自溫差喎 .... by XO
回覆刪除我都係用魚膠粉, 點解要買魚膠片? 你D魚膠粉唔駛開水?? 如果D MOUSSE起粒粒可以叮返溶佢
回覆刪除蠍 : 叮番溶佢???mousse 都得架咩??? 魚膠粉同魚膠片都要開水，但魚膠片好似易d預份量~(一片等如幾多g咁~) 魚膠粉好難磅，因為我唔係用電子磅呢~
回覆刪除ｗｏｏ．．．．好吸引， 也祝auntie生日快樂，健健康康
回覆刪除車厘厘 : 謝謝你!
回覆刪除多謝意思,我只不係一個家庭主婦 每樣都係學習當中,仍在努力中 我已經加左妳做Blog友同訂閱 唔緊要嗎
回覆刪除咖啡甜心 : 歡迎你呀! 以後要多d交流一下喇!!!
回覆刪除好正喎~~~
回覆刪除小悅 : 謝謝你!
回覆刪除