冇砵仔冇紅豆嘅"砵仔糕"，又切成一磚磚咁，仲算唔算係砵仔糕呢???
喺屋企冇嘢做，咁就搵d嘢食黎煮吓!
乜材料都冇，樣樣都差d，是但啦，再戰砵仔糕啦!
雖然連紅豆都冇......我諗住未必成功嘛，費時連d 紅豆都浪費呢...
呢個譜好簡單喎! 不過搞個漿時完全冇信心，因為去到最尾個步驟，都冇杰嘅感覺，打定輸數呢!
博一博拎去蒸，居然又成型喎! 好開心!
冇用碗仔蒸，用咗一個大碟，諗住方便d! 同埋厚度平均d比較易熟!
就咁影相真係似一碗砵仔糕，哈哈!
仲想問吓: 食唔晒當然要擺落雪櫃啦! 但攞番出黎嘅時候硬到似舊磚，係咪一定要蒸番熱呢? 叮叮佢得唔得??
精美食譜:-(在此要鳴謝阿比比教我整呢個糕呀!)
早前的失敗紀錄:
失敗了的砵仔榚
叮可能會乾哂嫁！小心！ BTW 尋日整完水晶餃，用剩左D澄麵，等我得閒都整次砵仔糕先！
回覆刪除通常我哋買砵仔糕番屋企食, 都會叮下佢, 暖暖哋食好味d, 我想你叮叮佢試下吧。
回覆刪除little four : 水晶餃 ? 好勁喎 ~~~ 澄麵都可以用黎整 砵仔糕 ? 靚靚煮飯婆 : 街嗰 d 就叮得 …. 但我嘅作品冇佢地咁 ” 煙 un” ，雪完變到好硬呢 !
回覆刪除四方形嘅砵仔糕真係未食過
回覆刪除Jenny Wong : 下次整個心型~~哈哈~~~
回覆刪除我要黃色多豆砵仔糕.. 呢D係咪年糕或無餡茶果
回覆刪除顏色很特別，很像壽司店中的新鮮帶子 。
回覆刪除傑他他老伯 : 要黃d，可能要用紅糖呀! 因為我冇紅糖，所以用咗片糖呢 ~~~ 呢個其實咩榚都唔係...哈~~~~
回覆刪除歷奇 : 似乎大家都對個榚有好多聯想，但就冇人覺得佢似砵仔糕 !!!
回覆刪除但都好似軟身咗少少 我有砵仔呀.咁耐先用過一次.下次借俾你呀
回覆刪除小豬碧碧 : 佢唔係軟，係好"lim"，所以好似唔係好成型咁! d器材呢其實唔係貴，但好阻位，又只係整一次半次~所以冇買囉! 先謝謝你!
回覆刪除我都整過~咁O岩屋企D碗似似地樣~XD不過都係冇豆~加左D紅豆蓉O係面~XD 不過我唔食的~男友話都幾似, 不過差D椰汁~(O個次屋企冇~)
回覆刪除蠍 : 紅豆蓉係罐裝的嗎???仲要落椰汁添??
回覆刪除係包裝, 之後自己都整過一次
回覆刪除蠍 : 明白! 等我又去搵吓先!!!
回覆刪除好得意喎! 夠心意啫!!! 有冇黑芝麻味砵仔糕呢?
回覆刪除bluebluegirl : 咁即係變咗芝麻奶凍噃!!! 完全唔係砵仔糕呢~~~
回覆刪除好新潮的砵仔糕啊, 看上去也不甜, 我又想吃一口啊
回覆刪除尼個砵仔糕都唔錯呀!! 有創意 我鐘意 一件丫唔該~~
回覆刪除車厘厘 : 一口砵仔糕，heehee~~~ 確係唔太甜! 健康d呢!! 荔枝 : 請你食啦!!
回覆刪除我係冇紅豆先咁做咋XD
回覆刪除蠍 : 紅豆要浸有d煩~因為有時係心血來潮想整某d榚點...但紅豆有排浸...其實最少要浸幾耐架呢??
回覆刪除大蚊: 我今日都做咗砵仔糕, 有空可到myｂｌｏｇ看看， ’有志者事竟成’， 我之前都唔知浪費咗多少材料啦！
回覆刪除阿比比 : 高手出招呀~~~
回覆刪除我都喜歡砵仔糕～～
回覆刪除Cathy §§啡§§~~caffecaffe~~ : 你好!!我會再整架! 因為買咗砵仔!!!
回覆刪除